Amerika: Bwa mbere kuva icyorezo cya Covid-19 cyatangira abantu barenga 5,000 bapfuye umunsi umwe
Muri Leta Z’unze Ubumwe z’Amerika igihugu cyibasiwe cyane n’icyorezo cya Coronavirus, uyu munsi bwa mbere kuva iki cyorezo cyahagera abantu barenga ibihumbi bitanu bitabye Imana umunsi umwe bishwe na Covid-19, ibintu bitari byarigeze bibaho.
Uyu munsi tariki ya 5 Gashyantare 2020, Muri Leta Z’unze Ubumwe z’Amerika habonetse abantu bashya banduye icyorezo cya Coronavirus bagera ku bihumbi 126,842 umunsi umwe, mu gihe abantu bagera ku bihumbi 5,116 bitabye Imana umunsi umwe ibintu bitari byarigeze bibaho hariya muri kiriya gihugu na rimwe.
Ubusanzwe muri Muri Leta Z’unze Ubumwe z’Amerika umubare munini wabari barahitanwe n’icyorezo cya Covid-19 umunsi bari abantu bagera ku bihumbi 5,077 ku munsi wejo hashize tariki ya 4 Gashyantare uyu mwaka.
Kugeza ubu muri kiriya gihugu harabarurwa abantu miliyoni 26,722,382 bamaze kwandura icyorezo cya Covid-19, naho abarenga ibihumbi 455,805 bamze guhitanwa nacyo kuva cyagera hariya muri Amerika, kuri ubu kandi abaturage bagera kuri miliyoni 28.2 bamaze kubona doze imwe y’urukingo rwa Covid-19 kuva rwtangira gutangwa.
