Ku mugabane wa Amerika y’Epfo abamaze kwandura icyorezo cya Coronavirus bamaze kurenga miliyoni 4
ibihugu bya Argentine na Brazil byabonye abantu bashya benshi banduye icyorezo cya coronavirus kuri uyu wa gatatu.
Brazil imaze kugira abantu 67.860 banduye Covid-19, abapfuye bageze ku 1.284 umunsi umwe gusa. Ibyo byatumye umubare w’abantu banduye coronavirus ugera kuri 2.227.514, mu gihe impfu zazamutse zigera ku 82.771.
Muri Brazil, Perezida Jair Bolsonaro, yagiye agaragaza ko iki cyorezo kidafite uburemere, bituma abayobozi ba guverineri ba Leta bashyira mu bikorwa amabwiriza yo koroshya ingamba zo gufunga.
Ku ya 7 Nyakanga, uwahoze ari kapiteni w’ingabo z’igihugu yasanganywe covid-19, kandi kuva icyo gihe avuga ko afata hydroxychloroquine, kandi avuga ko nta kibazo afite nubwo nta bimenyetso bifatika byerekana ko bifite akamaro.
Peru,nicyo gihugu cya kabiri gifite abantu benshi bamaze kwandura Coronavirus muri Amerika y’Epfo nyuma ya Brezile, yongeyeho abantu 3.688 hatarimo umubare w’abantu bapfuye.
Mu baturanyi ba Argentine bashyize ahagaragara imibare ingana na 5.782 yemejwe kuwa gatatu, abenshi muribo bakaba ari abo mu murwa mukuru wa Buenos Aires , ku buryo umubare w’abanduye muri iki gihugu ugera ku 141.900 bituma umubare w’abantu bamaze kwandura iki cyorezo muri Amerika y’Epfo urenga miliyoni 4.
Kuri uyu wa gatatu, Minisiteri y’ubuzima ya Mexico yatangaje ko abantu 6.019 bashya banduye indwara ya coronavirus n’abandi bantu 790 bahitanwa nayo ku buryo abantu bose muri iki gihugu bagera ku 362.274 naho abapfuye bakaba bangana na 41.190.
Guverinoma ya Mexico yavuze ko umubare nyawo w’abanduye ushobora kuba uri hejuru cyane ugereranije n’uwavuzwe.
