Umutoza Lampard utoza chelsea ashobora kugurisha abakinnyi badatanga umusaruro yifuza harimo nabatanzweho akayabo
Ibitego 3 ku busa ikipe ya Chelsea yatsinzwe ikina na Bayern Munich mu mukino ubanza wa 1/8 muri champions League, bishobora gutuma umutoza Frank Lampard afata umwanzuro wo kugurisha bamwe mu bakinnyi batacyitwara neza nkuko abyifuza
Nkuko bikomejwe gutangazwa mu bitangazamakuru byinshi i burayi, mu bakinnyi ba Chelsea bashobora gutandukana na yo mu mpeshyi harimo
1. Kepa Arizabalaga
Uyu ni umuzamu uhenze kurusha abandi ku isi, kuko ikipe ya Chelsea yamutanzeho asaga miliyoni 72 z’amapawundi, uyu musore w’imyaka 25 ukomoka mu gihugu cya esipanye kuri ubu ntari kwitwara neza akaba ashobora kuzagurishwa n’umutoza Lampard mu mpeshyi
kepa ashobora gusohoka mu ikipe ya chelsea kubera umusaruro muke
2. Ross Barkley
Uyu mwongereza ukina mu kibuga hagati, wageze mu ikipe ya Chelsea mu mwaka wa 2018 avuye mu ikipe ya Everton, nawe ashobora kwisanga mu basohoka muri Chelsea kuko ngo umutoza Frank Lampard atishimiye umusaruro we
3. Jorginho
Uyu nawe akina mu kibuga hagati mu ikipe ya Chelsea akaba yarayigezemo mu mwaka wa 2018 azanwe n’umutoza Mauricio Sarri bavanye mu ikipe ya Napoli, kuri ubu nyuma yaho umutoza Sarri asubiriye mu butariyani mu ikipe ya Juventus, uyu musore nawe ngo ari mu batishimiwe n’umutoza Lampard bishobora gutuma anasohoka mu ikipe ya Chelsea. 
Uretse aba batatu, umutoza Frank Lampard hari urundi rutonde rw’abakinnyi ashobora kutazifashisha umwaka utaha w’imikino barimo Kurt Zouma, Willian, Pedro, ndetse na Marcos Alonso
Ikipe ya Chelsea yamaze gutakaza icyizere cyo kuba yakomeza muri 1/4 mu irushanwa rya Uefa Champions league nyuma yo gutsindwa n’ikipe ya Bayern Munich ibitego 3 ku busa mu mukino wabereye ku kibuga cyabo Stamford Bridge
