Depite Bobi Wine yongeye gutabwa muri yombi kubera imyigaragambyo
Umuhanzi Robert Kyagulanyi umenyerewe nka Bobi Wine usanzwe ari n’umudepite mu nteko ishinga amategeko ya Uganda, yatawe muri yombi n’abashinzwe umutekano kuri uyu wa mbere ubwo yari mu myigaragambyo.
Bobi Wine watsinzwe amatora y’umukuru w’igihugu yabaye mu gihugu cya Uganda atsinzwe na Perezida Yoweli Kaguta Museveni bari bahanganye, yavuze ko atishimiye ibyavuye mu matora atangaza ko amatora yabayemo uburiganya ndetse no kwiba amajwi bikozwe n’abari ku ruhande rwa Museveni ndetse yari yaratanze ikirego mu rukiko rw’ikirenga asaba ko amatora yasubirwamo.
Nkuko BBC dukesha iyi nkuru yabitangaje, Robert Kyagulanyi umenyerewe nka Bobo Wine yatawe muri yombi ku munsi wo kuwa mbere ubwo yarari mu myigaragambyo y’amahoro hamwe n’abayoboke bo mu ishyaka rya NUP(National Unity Platform) yari ahagarariye mu matora y’umukuru w’igihugu, Bobi Wine n’abayoboke ba NUP bakaba baragiye mu mihanda basaba ko bagenzi babo bafunzwe bafungurwa.
Amatora y’umukuru w’igihugu aheruka kubera mu gihugu cya Uganda yegukanwe na Perezida Yoweli Kaguta Museveni, yabanjirijwe n’imvururu zikomeye cyane hagati y’ishyaka rya NUP ryari rihagarariwe na Bobi Wine ndetse riri ku butegetsi riyobowe na Perezida Museveni, izo mvururu zikaba zaraguyemo abantu bagera kuri 50 naho abandi bantu benshi barakomereka.
