Urugendo rwa arsenal muri Europa League rwarangiye mu gihe and makipe yo mu bwongereza yahacanye umucyo
Nubwo ikipe ya Arsenal yari yashoboye gutsindira ikipe ya Olympiacos mu mugi wa Anthens, kuri stade Emirates ntibahiriwe kuko basezerewe n’iyi kipe nyuma yo gutsindwa ibitego 2:1 ku kibuga cyabo
Abasore b’umutoza Arteta bari bitwaye neza mu mukino ubanza wabereye mu bugiriki gusa mu ijoro ryo kuri uyu wa kane urugendo rwabo mu irushanwa rya Europa League rwarangijwe n’igitego cya Youssef El Arabi yatsinze ku munota w’ 120, gisanga icyo mugenzi we Pape Abou Cisse yari yatsinze ku munota wa 53 kikaza kwishyurwa na Aubameyang ku munota w’ 113.
Umukino waje kurangira ikipe ya Olympiacos itsinze ibitego 2 kuri 1 cya arsenal maze amakipe yombi anganya igiteranyo cy’ibitego 2:2, gusa amahirwe yo gukomeza asekera ikipe ya Olympiacos yinjije ibitego byinshi hanze y’ikibuga cyayo
Ikipe ya Arsenal ivuyemo rugikubita nyuma yuko umwaka w’imikino ushize yari yabashije kugera ku mukino wa nyuma igatwarwa igikombe na chelsea yayitsinze ibitego 4 kuri 1
Uretse ikipe ya arsenal yasezerewe andi makipe ahagarariye ubwongereza muri Europa League yabashije gukomeza
Ikipe ya manchester united yatsinze Club Brugge ibitego 5 ku busa ikomeza ku giteranyo cy’ibitego 6 kuri kimwe
Ku rundi ruhande ikipe ya Wolverhampton wanderers nubwo yatsinzwe na Espagnol ibitego 3 kuri 2 yabashije gukomeza ku giteranyo cy’ibitego 6 kuri 3 kuko mu mukino ubanza bari batsinze ibitego 4 ku busa .
