USA: Perezida wa Amerika Donald Trump, yagaragaye bwa mbere yambaye agapfukamunwa.

Nyuma y’igihe kingana n’amezi atatu Perezida wa Leta zunze ubumwe za Amerika Donald Trump atambara agapfukamunwa ndetse atabishishikariza abaturage ayoboye, yagaragaye bwa mbere akambaye ndetse anatangaza ko ari byiza kukambara.

Mu kiganiro yagiranye na Fox Business kuri uyu wa Gatatu tariki ya 1 Nyakanga 2020, Donald Trump yabajijwe ibyerekeye agapfukamunwa, avuga ko kukambara mu gihe uri ahantu hari abantu benshi bidashoboka ko bahana intera byaba ari byiza cyane. Yavuze kandi ko abona ko ari bumwe mu buryo bwagabanya ubwandu, kandi ko mu gihe utabangamiwe wakambara.

Perezida Trump yakomeje avuga ko mu gihe ubona  kwambara agapfukamunwa nta pfunwe biteye, ngo gusa ntibyafatwa nk’ihame muri Amerika muri uru rugamba rwo guhashya corona virus. Yavuze ko ubwo yakambaraga yumvise amaze neza, kandi nta kibazo kamuteye, bityi ko na buri muntu wumva amerewe neza akambaye azajya akambara nta kibazo kirimo.

Ibi yabitangaje nyuma yo kumara igihe avuga ko kwambara agapfukamunwa, atari uburyo bwiza bwizewe bwo guhangana na corona virus muri Amerika, ndetse akanabishyigikirwamo na Perezidansi ya Amerika, aho yavugaga ko nta mpamvu ihari yatuma umuntu yipfuka umunwa n’amazuru, cyane mu gihe agiye guhura n’umukuru w’igihugu ngo kuko uwo bagiye guhura abanza gupimwa niba ataranduye corona virus, kandi na Perezida akabanza gusuzumwa.

Amakuru avuga ko Trump yambaye agapfukamunwa abisabwe n’umwe mu bagize ishyaka ry’Aba Republicans, wamusabaga gutanga urugero rwiza rwo kwambara agapfukamunwa. Kugeza ubu muri Amerika karabarurwa abantu bagera kuri miliyoni 2.7 banduye icyorezo cya corona virus, mu gihe abandu ibihumbi 128 bamaze guhitanwa n’iyi virus.Perezida Donald Trump yagaragaye yambaye agapfukamunwa ku nshuro ya mbere.